ଓଡ଼ିଆ ଝିଅ ଜିତିଲେ ଅନ୍ତର୍ଜାତୀୟ ସୁଟିଂ ପ୍ରତିଯୋଗିତାରେ ସ୍ୱର୍ଣ୍ଣ

ବର୍ଲିନ: ଜର୍ମାନୀ ମୁନିଚ୍ ସହରରେ H&N କପ୍ ଅନ୍ତର୍ଜାତୀୟ ସୁଟିଂ ପ୍ରତିଯୋଗିତାରେ ସ୍ୱର୍ଣ୍ଣ ଜିତି ଦେଶକୁ ଗର୍ବିତ କରିଥିବା ଶ୍ରୀୟଙ୍କା ଷଡ଼ଙ୍ଗୀ ସ୍ୱଦେଶ ପ୍ରତ୍ୟାବର୍ତ୍ତନ କରିଛନ୍ତି। ଜାନୁଆରୀ ୨୩ ତାରିଖରୁ ୨୮ ତାରିଖ ଯାଏ ଚାଲିଥିବା ଏହି ପ୍ରତିଯୋଗିତାରେ ୨୦ରୁ ଅଧିକ ଦେଶ ପ୍ରତିନିଧିତ୍ୱ କରୁଥିଲେ।

୧୦ ମିଟର ସୁଟିଂ ମିକ୍ସ କମ୍ପିଟିସନରେ  ରୁଷିଆ ଖେଳାଳିଙ୍କୁ ହରାଇ ଶ୍ରୀୟଙ୍କା ଓ ସହଯୋଗୀ ଅଖିଳ ସେରନ ସ୍ୱର୍ଣ୍ଣ ପଦକ ଜିତିଥିଲେ।

ସୂଚନା ପାଇଁ କହି ରଖୁଛୁ ଯେ ଓଡ଼ିଆ ଝିଅ ଶ୍ରୀୟଙ୍କାଙ୍କ ଘର ସମ୍ବଲପୁରରେ। ବାପା ଜଣେ ସେନା ଅଧିକାରୀ ହୋଇଥିବାବେଳେ ମାଆ ନୂଆଦିଲ୍ଲୀରେ ଅଧ୍ୟାପିକା ଅଛନ୍ତି।